Святитель Тихон Задонский — архипастырь Русской Православной Церкви, епископ Воронежский и Елецкий, Задонский чудотворец, крупнейший православный религиозный просветитель XVIII века.

Четыре года святитель нес служение на Воронежской кафедре, и, по удовлетворению своего прошения, удалился на покой в Задонский монастырь, где и жил до самой кончины.

Чудесные исцеления по молитвам святителя, у его святых мощей начали происходить еще при открытии его нетленного тела: множество больных выздоровело, некоторые слепые от рождения прозрели, немые получили дар речи. Больные получали исцеление от водянки, расслабления, беснования, паралича, холеры.

Не прекращается поток людей к мощам святителя и по сей день. Как в Задонский монастырь, так и в Благовещенский кафедральный собор, где пребывает часть мощей святителя Тихона.

Дни памяти: 19 июля / 1 августа; 13/26 августа.

Тропарь святителя Тихона, епископа Воронежского, Задонского чудотворца, глас 8

От юности возлюбил еси Христа, блаженне, образ всем был еси словом, житием, любовию, духом, верою, чистотою и смирением, темже и вселился еси в Небесныя обители, идеже предстоя Престолу Пресвятыя Троицы, моли, святителю Тихоне, спастися душам нашим.

Кондак святителя Тихона, епископа Воронежского, Задонского чудотворца, глас 8

Апостолов преемниче, святителей украшение, Православный Церкве учителю, Владьще всех молися мир вселенней даровати и душам нашим велию милость.

Молитва святителю Тихону Задонскому

О великий святителю Христов и чудотворче Тихоне! Услыши нас, многогрешных, прибегающих к тебе с теплою верою и умиленною мольбою. Зане вемы ангелоподобное благое житие твое на земли, прославляем во всем твою милость, благоговеем пред высотою твоих христианских добродетелей, имиже во благовремении преуспевал еси к славе дивно прославившаго тя Господа. Ты воистинну был еси добрый пастырь словеснаго стада Христова, таин Божиих добльственный строитель, столпе и украшение Церкве Православный, рос­сийский Златоусте, языческих обычаев крепкий искоренителю, пре­искусный истолкователю евангельскаго учения, ревностный блюсти­телю священных отеческих преданий, любителю монашескаго без­молвия, богодухновенный собирателю сокровища духовныя мудрости от видимаго мира сего, премудро Богом сотвореннаго. Ты, яко избранный сосуд благодати, неленостно поучал еси всех жаждавших спасения словом, житием, любовию, духом, верою, чистотою и смирением. Ты был еси милостивый защитник сирых, призрение вдовиц, убогих и всем сущим в бедах и напастех скорый утешитель, и ныне вемы, яко предстоиши пред лицем Господа славы и имееши велие к Нему дерзновение; сего ради к тебе, отче, прибегаем и усердно молим тя: буди о всех нас ходатай у Престола Всевышняго. Да простит Он беззакония и неправды наша; да просветит омраченный суетою ум наш и направит к истинному свету богопознания; да сохранит слабыя сердца наша от любострастных греховных увлече­ний и тлетворнаго мудрования века сего; да подаст земли благовременное орошение дождей и плодоношение и вся нам полезная, яже к животу временному и вечному, да вси притекающие к раце нетленных мощей твоих обретут мир, любовь и безмятежие. Церкви нашей испроси у Небеснаго Царя милость, благоденствие, спасение, на враги же победу и одоление. Отечество наше огради спокойствием и тишиною. Сохрани обитель твою святую от всяких соблазнов и научи всех нас благоговейно и богобоязненно шествовати по стезям заповедей Божиих, да сподобимся и мы купно с тобою и со всеми святыми стати одесную Господа сил в день страшнаго всемирнаго суда Его. Помяни, угодниче Христов, святителю отче Тихоне, во святых своих молитвах и души отшедших отец и братий наших, да упокоит их Господь в Небесных селениих; не презри и наше воздыхание, да выну прославляем Отца, и Сына, и Святаго Духа, ныне и присно и во веки веков. Аминь.